Балалардың санасына мейірімділік, қайырымдылық ұғымдарын қалыптастыру, әлеуметтік жағдайы төмен балаларға көмек көрсету, оқушыларды кішіпейілділікке, бауырмалдыққа баулу.Биылғы оқу жылында мектебімізде «Қамқорлық» акциясы екі рет ұйымдастырылды. Акция барысында мектеп ұжымының көмегімен аз қамтылған балаларға тегін оқу-құралдары берілді.Бір ай бойы ұйымдастырылған шараның басты мақсаты – тұрмысы төмен отбасы балаларын киім-кешекпен қамтамасыз ету. Ұстаздар қауымы қайырымдылық қорын жасақтауға бір кісідей ат салысты. Арнайы қайырымдылық концерті ұйымдастырылды.