Мұғалімдер мен білім алушылар арасындағы қарым-қатынасты нығайту үшін мұғалімдер жиналысында мектеп әкімшілік тарапынан арнайы нұсқаулар беріледі. Егер де мұғалімдер мен білім алушылардың арасында келіспеушілік жағдайлар туындаған жағдайда тиісті іс-шаралар қолданылады. «Сенім телефоны» сенім жәшігінің сыртында жазылып тұр, үнемі қызмет етуде. Осы күнге дейін еш бір бала қонырау шалған емес.Сонымен қатар әр апта сайын «сенім жәшігі» тексеріледі, ешбір хабарлама байқалған жоқ. Жантану маманының жағынан психологиялық көмек көрсетіледі. Мысалы: жеке әңгімелер, кеңестер, сауалнамалар, анкеталар т.б.оқушыларға буклеттер шығарылып таратылды.
2020-2021 оқу жылының басында қамқоршылық кеңестің мүшелері, әлеуметтік педагог пен психолог сенім жәшігі мен сенім телефоны жұмыстарын жандандыру шараларын құрастырды. Сенім жәшігіне сенім телефон номерлері жазылған. Қазақстан Республикасы білім және ғылым министрлігі балалардың құқықтарын қорғау комитетінің сенім телефоны мен Солтүстік Қазақстан облысы бойынша бала құқығын қорғайтын департаменттің сенім телефондары жазылған. Сенім жәшігіне жазылған хаттар, сенім дәптеріне тіркеліп, жазылған мәселе мектеп психологы мен әлеуметтік педагогпен, қамқоршылық кеңестің мүшелерімен шешіледі. Сенім жәшігі 1 аптада 1 рет мектеп психологы, қамқоршылық кеңестің мүшелері мен әлеуметтік педагогпен бірге ашылып, сенім дәптеріне аптада жазылған хат тіркеліп отырады.
«Сенім» жәшігі мен телефон жұмысының басты міндеттері:
Өтініштерді қарау, тиісті шара қабылдау, соның ішінде аталған мәселелерді қарауға және заңнамада белгіленген шара қолдануға құзыретті мемлекеттік органдарға жолдау;
Әрбір өтінішке реттік нөмер және күні беріледі және т.б.
Оқу жылында білім алушыларға сенім жәшігі мен сенім телфоны туралы тәрбие сағаттары , 1-9 сынып оқушыларына және ата-аналарына сенім жәшігі жайлы ашық сабақтар өткізілді.
Мектеп білім алушылары «сенім жәшігіне» өз шағымдарын, хаттарын, ішкі сезімдерін, ой пікірлерін, қобалжытатын жағдайларын жазып бере алатындары туралы хабардар. Қорытындысы бойынша мектеп психологы, қамқоршылық кеңестің мүшелері мен әлеуметтік педагогпен бірге ашылған сенім жәшігінде білім алушылардың шағым хаттары мен ұсыныстары болған жоқ. Демек, оқушы этикасына нұқсан келтіру, әлімжеттік көрсету, бала еңбегін қанау, келеңсіз факторлар байқалмайды.