Мектеп түлегімен кездесу бойынша сынып сағаты 13.01.2020 жылы сағат 9.00-де ұйымдастырылды. Кездесуге Бауман ауылы аумағында орналасқан «ALTYN QOIMA SK» ЖШС-нің инженері қызметін атқаратын Нарбеков Наурызбек Айдарбекович шақырылды. Кездесу барысында Наурызбек Айдарбекович Бауман мектебінің түлегі, Петропавл қаласында гуманитарлық -техникалық колледжін «Көліктік РЭ жабдықты техникалық пайдалану» мамандығы бойынша аяқтап, Нұр-Сұлтан қаласында жоғары білімді сырттай алып жүрген маманмен сұхбаттасу өтті. Арнайы орта білім мекемесін тәмамдай, еңбек жолын бастап кетіп, жоғары білім алуды кейінге шегергенін айтты. Сол уақыт аралығында Отан алдындағы азаматтық борышын абыроймен өтеп келді.
Бірақ, заман талабына сай «Жоғары білім» еңбек жолында өте маңызды екенін түсініп, бүгінгі таңда білім алуды жалғастырып жүргенін айтып өтті. Адам баласы өмір бойы оқып, білім алса да аздық етпейтінін атап өтті. Ұлы ғұламалар, ата-бабамыз Абай Құнанбаев, Ыбырай Алтынсарин сол күндерден ақ білімнің маңызды құндылық екенін айтып өткенін сөзге тірек етіп, оқушылармен ой бөлісті. Оқушылар бүгінгі таңда маман ретінде атқаратын қызметін, міндеттерін сұрап, өз сауалдарына толық жауап алды. «ALTYN QOIMA SK» ЖШС-нің маманы оқушыларды өз мамандығы аясында жұмыс орнына саяхатқа шақырды.